TIPS OSS 700 20 820


TIPS OSS 700 20 820

Kristina greidde det igjen

I siste omgang i kulestøtkonkurransen under Ungdoms-NM i friidrett innandørs, slo Kristina Thunem (15) til med eit rekordstøt på 11.97 og sikra seg med det gullet i 16-årsklassa - ein centimeter føre argaste konkurrenten! 

Dermed kopierte friidrettstalentet frå Tunheim bragda frå UM utandørs i haust, då dette biletet vart teke - men i papiravisa torsdag lovar vi både nytt bilete og prat med den ferske noregsmeisteren.

Ti måtte punge ut på Eidså

UP hadde onsdag ettermiddag fartskontroll i 50-sona på fv 61 på Eidså. Høgste målte fart var 70 km/t. I alt ti bilførar fekk utskrive forenkla forelegg under kontrollen, les vi politiloggen.

Vanskar med ferja
Årvik - Koparnes onsdag kveld

Bilar som skulle med ferja frå Årvik kl 18.45 onsdag ettermiddag, måtte etter ei ventetid rygge på land att og ta ferja frå Larsnes. Årsaka var tekniske vanskar om bord i "Frafjord". 

På ferja kunne dei då vi snakka med dei 18.20 ikkje seie noo sikkert om kor lenge det ville gå før ferja var i drift igjen. Vi kan såleis berre vise til Norled sine nettsider der det vil bli lagt ut meldingar. SISTE: Norled melder kl 20.23 om normal drift i sambandet.

Kreativ samarbeidsinvitt
bergar truleg ambulansen

På styremøtet i Ambulanse Midt-Norge HF i Stjørdal torsdag uttalte styreleiar Petter Bjørdal i følgje smp.no at han trykkjer utspelet frå Vanylven til sitt bryst. Utspelet, som omhandlar samordning mellom dagambulanse og anna medisinsk omsorg, kan berge dag-ambulansen. Styret har no vedteke å få dette forslaget utgreidd - og er i utgangspunktet svært positive til det skisserte samarbeidet.

Vår i Vanylven

Det blømer i hagane, tjelden er komen (her er dei vi har rettutanfor redaksjonen vår no i dag) - vi ser bilete av flokkar av sporv på facebooksidene våre - og torsdag toppa målestasjonen på Fiskå temperaturlista for heile kongeriket med 12 grader. Og vi er framleis berre i slutten av februar.

1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283848586878889909192939495
Effektivt ÅVK hadde kontrollen
Jamnbyrdige i banespel, men ÅVK scora dobbelt så mange som heimelaget Ørskog onsdag kveld.  Kampfakta:
5. divisjon menn
Ørskog – ÅVK 2-4 (1-3)
Mål ÅVK: Sindre Thue, Vegard Prozenko, Andreas Osnes Kriken Kjell Brenne ÅVK heldt fram haustsesongen med nok ein siger. I kampen mot Ørskog onsdag makta laget å score på ein større del av sjansane enn det laget har gjort før i sesongen.  Sindre Thue vart dagens mann før pause. To dødballar, eitt frå cornerflagget og eitt frå straffemerket var nok til å gi ÅVK ei kjærkomen leiing. Straffesparket kom etter felling av Erlend Kragset, som offensivt frå sin backposisjon leverte årsbeste. Det andre målet var ein corner som strauk inn under tverrstanga i eit godt pressa målfelt. 0-2. Ørskog reduserte til 1-2 på straffe før ÅVK igjen var frampå med nok eit mål. Ei tråklande ”spel i mål” scoring der Vegard Prozenko var sistemann på ballen.  Andre omgang blir først og fremst hugsa for Andreas Osnes Kriken sitt langskot frå 25 meteren, ein ball Ørskog-keeperen måtte kapitulere på, for øvrig den første scoringa i ÅVK-drakta etter overgangen frå Volda. –Eit greitt resultat! meiner ÅVK-trenar Øyvind Myklebust som måtte stå over sjølv på grunn av lyskestrekk. Når så kollegastoppar i midtforsvaret, Andreas Nystøl, også var fråverande på grunn av sjukdom, vart det to nye i ”debutantar”. Anders Midtbø og Per Gunnar Lundehaug. Dei gjorde begge solide jobbar. God var også Ådne Seljeset som leverte ei bra kamp som keeper. Elles viste kampen at Jon Andre Thue er i ferd med å finne forma att etter den langvarige skaden. Eit traust arbeid på midtbana i begge omgangane. Stjerner:
*** Erlend Kragset
** Jon Andre Thue
*   Ådne Seljeset
28.08.14 09:53
Måtte skyte sauene
Det vart ingen veg utanom, og to av dei skorfaste sauene i Blåfelden måtte bøte med livet.Det eine lammet hadde, som det går fram av papirutgåva, kome seg over til trygg grunn på den andre sida av skora attmed hylla der sauene stod. Onsdag vart det først prøvd å skreme dei to attverande til å freiste å klatre oppover att, men dette var fåfengt, og ein kom fram til at det ikkje var anna råd enn å skyte dei. Dette vart gjort frå sikkert hald på hylla der det eine lammet hadde kome seg over og dyra fall ned i ura nedanfor, der skrottane vart tekne hand om av eigaren.
15.08.14 09:47
Grei poengdeling mot MSIL
MSIL - ÅVK 2-2 (1-1)ÅVK opna haustsesongen onsdagskvelden med bortekamp mot MSIL. Kampen enda 2-2, eit rett bilde av det som skjedde i kampen. Sindre Thue gav ÅVK føringa i 1. omgang etter eit fin gjennomspel frå Elling Flister. MSIL utlikna før pause til 1-1. Flister gav ÅVK på nytt leiinga i andre omgang , men heimelaget slo tilbake og greidde å utlikne til 2-2 etter ein uheldig forsvarglipp i ÅVK si bakre rekke.             ÅVK møter Sunnylven/Stranda 2 førstkomande tysdag heime på Eidsåvoll og bør då fylle opp poengkontoen med ein tre-poengar. Andre resultat: Ørskog – Hovdebygda 0-2, Vartdal – Åmdal 5-0.
14.08.14 15:16
Dramatikk i Hovda Rundt
Sist laurdag vart sykkelløpet Hovda rundt arrangert. 41 syklistar konkurrerte denne varme sommardagen, der Stig Ronny Kragseth tok fyrsteplassen i herreklassen med tida 1.10.20. Anne Grethe Bråten vart beste kvinne med tida 1.14.40. Arrangørane kunne glede seg over høgare deltaking enn i fjor, men ambulanse måtte tilkallast etter at to deltakarar gjekk i bakken rett før målstreken. Vi kjem attende med meir i papiravisa
11.08.14 08:03
Jentene gjekk nesten heilt til topps!
 J-14-jentene frå Åheim slo fredag morgon Charlottenlund SK i semifinalen i A-sluttspelet i Norway Cup 3-0. Anna Nygård Thunem skåra to av måla, Elisa Bakkebø eitt. Dermed var jentene i finalen i A-sluttspelet. Og den gjekk mot Håkvik i dag klokka 13.30 no i dag Der vart det diverre tap med 4-0-. Men det rikkar ikkje på inntrykket av at laget har gjort ein flott prestasjon! TV 2  har gitt beskjed om at dei vil vere på plass, men etter programmet vil det ikkje verte sendt direkte frå kampen, så dette er mest truleg til reportasjeklipp i etterkant.
31.07.14 23:14
Fylte Myraløda med countrymusikk
Det var fullt i løda og ekstraplassar på tunet utanfor då dalsfjordingane laurdag igjen viste kva som går an å få til når ein blandar musikk, glede og pågangsmot. Hovudgjest Claudia Scott var mektig imponert. Noko slikt hadde ho aldri vore med på før, fortalde ho oss.   Vi kjem med reportasje i papiravisa.
28.07.14 11:59
Vellukka pilegrimsbesøk
 - Livet og ei pilegrimsreise har mykje til felles, ved at ein begge stader møter motbør, skjer i sjøen og stormar - sjølvc om det er langt frå det her i dag, sa biskop Frank frå Newcastle under kveldsbøna i St. Jetmund laurdag. Vêret viste seg frå ei framifrå side då det tidlegare hurtigruteskipet Nordstjernen etter ein roleg seglas rundt Stad la til kai på Åheim og gjestane på lanseringsturen for kystprilegrimsprosjektet besøkte St. Jetmundskyrja og Jetmundsteinen. Vi kjem attende med meir i papiravisa.
28.07.14 11:27
Dieseltjuvar tek ikkje sommarferie
Fem lastebilar til Trond Løvold Transport vart natt til torsdag tappa for diesel. Det kan dreie seg om eit samla volum på 1200 – 2000 liter drivstoff.  Trond Løvold fortel at ein mest kvar veke er ute for at det blir stole diesel frå bilane, men denne gongen er det så stort og graverande at han ikkje kan la det passere utan å reagere sterkare. Samtlege av dei fem parkerte bilane på parkeringsplassen i Åheim sentrum er vorte tappa.  –Det kan variere mellom 200 l til 500 l pr bil, alle tankane var tappa så godt som heilt tome, fortel Løvold.   Han oppdaga tjuveriet torsdag morgonen då han var der og skulle hente noko i ein av bilane. Han oppdaga då at loket til ein av dieseltankane hang ned med sida av tanken og ikkje var skrudd på att.  –Det ser ut til at vedkomande har hatt hasteverk eller at han rett og slett ikkje har gidda å skjule tjuveriet. På to av bilane var tankloka ikkje skrudd på att. På ein av bilane hadde vedkomande teke seg inn i førarhuset og teke med seg ein GPS og eit trafikkamera plassert i frontruta,  fortel Løvold.  –Har du meldt saka til politiet? –   ­Eg har ikkje gjort det enno, men eg kjem nok til ta ein telefon og melde ifrå om tjuveriet. Men det er vel sikkert like vekkasta som det har vist seg ved tidlegare tjuveri eg har meldt ifrå om. Det fører til ingen verdens ting. –Har du aning om kven som kan ha vore på ferde? –    Ut frå mengda så dreiar ikkje dette seg om pengelaus og opprådd ungdom som vil ha påfyll på ei kanne. Her har nok meir målretta aktørar med varebil med tank og pumpe vore på staden og forsynt seg, trur Løvold.   Dei som driv i lastebilnæringa er utsette for tjuveri av drivstoff. For Løvold sitt transportfirma blir dette eit ikkje så lite volum på årsbasis. Grovt sett eit tap på 150 000 kr.  – Men har du ikkje lås for dieselttankane?  ­– Vi har sikra med hengelås, men dette blir lett match for den som absolutt vil stele. Med det klippeutstyr mange som er ute på ulovleg tokt i dag er utstyrte med, blir låsen eit lite hinder, påpeikar Løvold. Han ser fram til å få laga til området på Lilleeide næringspark der Løvold Transport skal etablere seg . –   Eg trur det einaste som nyttar er å få gjerde inne området med stålnetting og med kameraovervaking for å få slutt på denne kriminelle aktiviteten, seier lastebileigar Trond Løvold.
25.07.14 19:17
Fekk kontroll på lyngbrann
Brannfolk frå Vanylven fekk fredag ettermiddag kontroll over ein lyngbrann høgt til fjells mellom Sandnessætra og Kvanndalen på Fiskåsida. Det vart i ei tidleg fase bede om assistanse frå sivilforsvaret, men denne vart kalla tilbake.Årsaka til brannen er ikkje kjent, og brannsjef  Lasse Rindal fortel at 12 personar frå brannkorpsa i Syvde og på Fiskå fekk kontroll over elden med "brannsløkkjarar" eller "pisker" som det og blir kalla. Det var umogleg å nå fram til staden med vatn frå bil.  Til stades på Sandnessætra var også folk frå Vanylven Røde Kors som  stilte med ATW og frivillige. – Det såg ei stund ut til at brannen skulle spreie seg, og vi varsla sivilforsvaret. Eg tok og kontakt med Hovudredningssentralen i tilfelle det skulle bli behov for helikopter, men det var ikkje altuelt på ein slik dag, seier brannsjef Lasse Rindal. Det heile enda altså godt - og årsaka til at brannen oppstod er altså ikkje kjent..
25.07.14 18:55
Vanylvsråkk 2014
(FOTO: Vidar Parr, Ole Magne Kvalsvik, Aina M. Krakset, May-Brit Thue)
10.07.14 13:15
Varmaste dagen på lang tid
Onsdag 9. juli vart det sett varmerkrodar på her og der. Offisielle tal frå målestasjonen på Fiskå viser 29,4 grader, utan samanlikning det varmaste dei siste 12 månadene.Temeraturen varierer sjølvsagt ein del, og når tala på målestasjonen er 29,4 - kan vi slå fast med stor sikkerheit at det bikka 30 grader fleire stader i Vanylven.
10.07.14 10:48
– Røyrtunnelen kan byggast
Firmaet Reinertsen AS som har under arbeidet med forprosjektet ikkje støytt på noko som tilseier større vanskar med å bygge røyrtunnel frå Saudeholmen og til land. Det kom fram på pressekonferansen i Ålesund onsdag.Det kom elles fram at Kystverket, som har signalisert at dei krev 70 meters høgd på ei eventuell høgbru, kan gå med på å flytte leida til sundet mellom holmen og land. Fylkesordførar Jon Aasen sa at sjølv om dette er eit fylkesvegsamband, gjer det spesielle med dette pilotprosektet at ein må gå i dialog med statlege styremakter.Vi har fyldig dekking av saka i papirsavisa torsdag.
09.07.14 12:12
Ror rettvendt langs landet
I  av Synste Møre, i nr 27 - siste avisa før ferien i 2014, fortalde vi historia om Terje Syvertsen som ror frå Svelvik til Vemundvik nord for Namsos. Og han sit "rette vegen" i båten når han ror. Eller kanskje mange vil seie at han sit feil veg? Han ser altså same vegen som båten går. Freelancejournalist Bjarne Eldevik i Måløy har laga denne filmen om Syvertsen som vi har fått lov å legge ut. Filmen kan du sjå her.
06.07.14 14:21
These mist covered mountains...
Alan Clarke, sjølv med i supergruppa Dire Straits, brukte ei linje frå deira eigen hit frå 1985 då han snakka om utsynet frå scena på Saga på Eidså - og han brukte det i beste meining. Gruppemedlemene i The Straits tykte både utsikta og settinga på festivalen var fantastisk. Slikt er ikkje kvardagskost for dei som vanlegvis spelar for tusenvis av tilhøyrar i store hallar og stadion. Og dei leverte varene på Eidså. Det var ikkje fritt for at tårene kom fram på dei ivrigaste under den havannan time lange festforstillingai i den varme sommarkvelden.   Men The Straits var langt frå åleine. I papiravisa finn du fyldig reporrtasje og omtale - og etterkvart kjem også eit biletgalleri opp.
04.07.14 21:04
VIDEOAR   GALLERI   WEBCAM
veret der du bur
 
FØRSTESIDA

 

KULTURKALENDAREN

Torsdag 28. august
19.30 Møte, Eidså bedehus

Fredag 29. august
20.00 Ope hus, Åheim misjonshus

Laurdag 30. august
09.00 Åheimfest, Åheim
12.00 Vassendrittet, Åheim
16.00 Krædefest, Ripsdalssetra
16.00 Solsikkefest, Fiskå bedehus
22.00 Sixpack, Åheim

Søndag 31. august

10.30 Søndagsskule, Fiskå skule
Grunnlovsjubileum
12.00 Grunnlovsmarsj, Åheim
15.00 Folkefest, Olivinhallen

Tysdag 2. september
18.00 Vyborgbasar, Fiskå ungdomshus

Onsdag 3. september
19.00 ÅVK - Hasundgot, Eidsåvoll
19.00 Kammerkonsert, Kvamsøy

Laurdag 6. september
10. sept. Rovdetwist

Onsdag 10. september
16.00 Pensjonisttreff, Larsnes

Laurdag 13. september
Comedy club, Gymmen Nordfj.

Laurdag 27. september
Tripod & Martin Rygvol, Gymmen Nordfj.

Onsdag 1. oktober
18.30 Søner av sola Opera Nordfj.

Torsdag 2. oktober
18.30 Søner av sola Opera Nordfj.

Laurdag 4. oktober
18.30 Søner av sola Opera Nordfj.

Søndag 5. oktober
14.00 Matiné Opera Nordfj.

Tirsdag 7. oktober
18.30 Søner av sola Opera Nordfj.

Onsdag 8. oktober
18.30 Søner av sola Opera Nordfj.

Fredag 10. oktober
18.30 Søner av sola Opera Nordfj.

Laurdag 11. oktober
18.30 Søner av sola Opera Nordfj.

Torsdag 16. oktober
Casa Murilo, Gymmen Nordfj.

Laurdag 25. oktober
Tor og Bettan, Opera Nordfj.

Laurdag 1. november
Den store kinodagen, Opera Nordfj.
Linda Eide og Sjur Hjeltnes, Opera Nordfj.

Søndag 9. november
Norsk Reisning, Opera Nordfj.

Fredag 14. november
Kulturnatt, Opera Nordfj.

Fredag 28. november
Christmas with Nordic Tenors, Opera Nordfj.

Onsdag 3. desember
Bjørn Eidsvåg, Opera Nordfj.

Søndag 7. desember
Juleteater, Opera Nordfj.

Laurdag 13. desember
Sigrid Moldestad m/band, Opera Nordfj.

Laurdag 20. desember
Straum 2014, Gymmen Nordfj.

VIL DU HA DITT ARRANGEMENT PÅ KALENDEREN?
Arrangement må ha vore i papirutgåva til Synste Møre for å kome på kalenderen. Annonse kan tingast på 70 02 08 20 eller redaksjonen@synste.no

 
FERjERUTER
Årvik-Koparnes    
Lauvstad-Volda    
Larsnes-Åram-Øyane    
Lote-Anda    
Hareid-Sulesund    

 

     





Redaktør:
Vidar Parr

Synste Møre,
Postboks 53,
6139 Fiskåbygd

TIPS OSS 
Telefon:
70 02 08 20

E-post:
redaksjonen@synste.no

Følg oss på:

  

Synste Møre arbeider etter Ver Varsamplakaten sine reglar for god presseskikk. Synste Møre har ikkje ansvar for innhald på eksterne nettsider som det blir lenka til. Alt innhald er opphavsrettsleg verna 2014 ©


Web Design og CMS: Osberget