TIPS OSS 700 20 820


TIPS OSS 700 20 820

Sibelco fjernar hammaren

VERKDIREKTØR Ove Sollid orienterte om situasjonen ved verksemda

Sibelco Nordic på Åheim har søkt om godkjenning for å ta bort bergknausane som står att på lagerområdet på kaia og meiner ein skal klare å redusere støyutslepp ved verksemda. Dei som bur i nærleiken er slett ikkje så sikre.

Bilete 17. mai

Bilete frå feiringa i bygdene våre er no lagde ut på biletgalleri. På biletet til venstre ser vi Amalie Ervik Røys, som synest det er godt å ha ei mamma som er tidtakar og som har paraply å gå inn under. (FOTO: John Willy Klungre)

Gratulerer med dagen!

For første gong på fleire år, fekk vi i Vanylven ein 17. mai der ein hadde behov for paraply i tillegg til flagget. Men sjølv om regnbygene og ein ikkje plagsamt høg temperatur gjer det litt hustre innimellom - går naturlegvis programmet som planlagt. På biletet ordførar Jan Helgøy tale ved bauten ved Vanylven kyrkje. Åheim musikkorps spela ved høgtida, etter å ha gått dagens første tog - frå Leitehøgda til kyrkja på Slagnes. Vi kjem tilbake med mykje meir - både på nett og papir.

Glapp igjen for Åheim

IKKJE I NOTA: Åheim var fleire gonger i Kvamsøy sitt målfelt, men utan å få ballen i mål.

Som mot Gjerdsvika/Moltu, rota Åheim bort ei 2-0 leiing. Kvamsøy utlikna til 2-2 like kampslutt.

Klasseforskjell på Eidsåvoll

RAUDT KORT:Haddal sin spelar nummer 2 vert utvist midt i andre omgang. Om løpet ikkje var køyrt for bortelaget før, var det ikkje lengre tvil etter dette, og ÅVK skifta då også inn alt dei hadde av spelarar, slik at dei fekk speletid og andre fekk kvile.

Åram/VanKam var eit godt hakk betre enn motstandaren Haddal og vann 5-0 på Eidsåvoll i dag.

1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283848586878889909192939495
Siger og tap for vanylvingane
ÅVK reiste seg etter tapet mot Vartdal og slo Åmdal 2-5 onsdagskvelden. Men på River Plate vart Åheim tre mål for lette mot Larsnes/Gursken2.Kampfakta
5. divisjon Sunnmøre
Åmdal – ÅVK 2-5 (1-1)
Mål ÅVK: Sondre Hasund 2, Sindre Thue 2, Jon André Thue 1
Bane: Legene gras. Kjell Brenne ÅVK spelte ein god 1. omgang og tok leiinga ved Sondre Hasund. Langdistanseraketten frå 35 meter med adresse vinkelen fauk rett inn. Ein sterk kandidat til årets mål, kommenterte Øyvind Myklebust. Spelande trenar i ÅVK har vore ute på grunn av skade, men fekk prøve seg siste ti minutt av kampen.Heimelaget kom sterkare mot slutten av omgangen og på ein situasjon eit pressa ÅVK-forsvar ikkje greidde å klarere, greidde Åmdal å utlikne. Åmdal var freidige nok til å ta leiinga 2-1 straks etter pause før ÅVK-arane fekk samle seg. Sindre Thue var tilbake att i ÅVK og lysluggen utlikna til 2-2. Siste halvtimen av kampen var det ÅVK som styrte det meste. Sindre Thue auka til 2-3 og Sondre Hasund la på til 2-4 før Jon Andre Thue fastsette kampresultatet til 2-5. –Eg trur vi snakkar om eit syltynt håp på det teoretiske plan - i praksis er nok opprykkstoget er gått for i år, trur Myklebust. Sidan både Stordal og Hovdebygda tapte, er opprykksdøra framleis ørlite på gløtt for ÅVK. -Om det ikkje blir 4. divisjon neste år, har vi i alle fall lyst å vise at vi er i stand til å slå kven som helst i divisjonen. Desse kampane går på Eidsåvoll, framhevar Myklebust. Stjerner:
Sondre Hasund ***
Anders Bellen **
Fredrik Midtbø * Andre resultat i 17. runden:
Sunnylven – Ørskog 1-3
MSIL – Hasundgot 4-0
Ravn – Hovdebygda 1-0
Stordal – Vartdal 1-3   Kampfakta
6. divisjon avd. 1
Larsnes/Gursken 2 – Åheim 4-1 (1-0)
Bane: River Plate kunstgras
Dommar: Oddbjørn Aam, Åmdal.
Mål Åheim: Christian Thue Ein tafatt førsteomgang der det skjedde lite bortsett frå at Larsnes/Gursken 2 scora og Pål Hellebust i Åheim sitt mål hadde eit par klasseredningar. Heimelaget var hakkert betre.  Etter pause kom Åheim på bana som eit nytt lag og overtok føringa i spelet. Midtstoppar Christian Thue gjennomførste årets lengste raid frå eigen banehalvdel og utlikna for Åheim til 1-1. Men siste ti minutta rakna det for åheimarane. Heimelaget scora to lettkjøpte mål. 3-1. Like før kampslutt ruste keeper Pål, som for øvrig gjorde ein god kamp, nesten heilt ut til sidelina og felte den framstormande spissen. Dommar Oddbjørn Aam var ikkje i tvil om at raudekortet måtte opp. Dermed har Åheim fått utvist keeperen i to kampar på rad sidan Lars Aahjem vart utvist i forrige kamp. Larsnes/Gursken 2 nytta frisparket godt og scora på innlegget. 4-1. Best på Åheim var Henning Sætre på topp. Han var berre ein skugge av seg sjølv i forrige kamp, men bevegeleg og god på River Plate i gårkveld.   Stjerner
Henning Sætre ***
Christian Thue **
Pål Hellebust *    
18.09.14 08:43
Tapte klart for Vartdal
ÅVK sitt håp om opprykk fekk ein lei knekk på Vartdal torsdagskvelden. Heimelaget kontrollerte det meste.Vartdal – ÅVK 3-0 (2-0) Kjell Brenne Vartdal gav vanylvingane bakoversveis frå avspark og heldt eit markert overtak gjennom heile omgangen. ÅVK fann aldri taktene og det kombinasjonsspelet som kan prege laget i gode stunder. Det vart eit altfor stort gap mellom forsvaret og midtbana og elles var ÅVK prega av dårleg pasningskvalitet og ineffektiv framdrift. Heimelaget leia fortent 2-0 til pause. Etter pause kom eit nytt ÅVK på bana, tok initiativet, men ballen vart sjeldan spelt der den burde. Serleg gjekk dette ut over kantspelarane.  Vartdal auka til 3-0 før kampen var slutt.  I ein kamp der ÅVK kom ut stilen av både innsats- og spelemessig, må vi gje eit pluss til Sander Iversen og Martin Storeide. Begge sprang mange meter på kantane, men det vart mest uten ball.      
11.09.14 21:16
Ber om kommune-råd
Politikarane i Vanylven sa i dag ja til ei undersøking der ein spør om innbyggjarane sitt syn i prosessen om kommunesamanslåing.
Det er analyseinstituttet NIVI som skal stå for undersøkinga, der ein alt er i gang med å ringe rundt for å skaffe eit godt nok deltakargrunnlag for undersøkinga.
– Skal ein få eit representativt talmateriale som kan brukast som verktøy for å seie noko om innbyggarane sitt syn, er det mange variablar som må på plass. Ein må ha eit utval som til dømes speglar den geografiske busetnmaden i kommunen, ein må tenkje på alder, kjønn og yrke, seier konstituert rådmann Andreas Nørve. Han kunne i kommunestyremøtet i dag opplyse om at NIVI no har ei liste med om lag 2 500 namn som dei vil bruke for å jobbe seg ned mot dei 500 deltakarane ein vil ha for å få eit representativt grunnlag.
– Svara vil sjølvsagt vere anonyme. Vi håpar difor at folk vil vere positive til å delta, slik at vi får eit godt grunnlag for det vidare arbeidet, anten ein seier nei til samanslåing i det heile eller har gode meiningar om kven ein skal gå i lag med og kva som bør ligge i botn for eit samarbeid.
09.09.14 16:47
Den sakna funnen i god behald
– Denne aksjonen fekk den avslutninga vi alle håpa på, seier ein glad og letta lensmann Tor Sæther. Den sakna unge mannen vart funnen kring klokka 23.00 i fysisk bra form.Vidar Parr Det var mannsakp frå Røde Kors og Sivilforsvaret som fann mannen i området som det før har vore leita i. Og til alt overmål i rimeleg god fysk forfating. – Forutan å vere glad for at vi fekk dette utfallet, må eg seie at også er svært nøgd med kor godt denne aksjonen har vore gjennomført og kor knirkefritt dei ulike etatar og arbeidslag har samarbeidt. Det har vore lagt ned ein stor innsats frå mange - og altså med den slutten vi alle håpa på, sa lensmann Tor Sæther til oss natt til søndag.
06.09.14 10:51
Storspel av Alexander
– Ei bragd, seier golfmiljøet i Vanylven om Alexander Brekke sin tredjeplass i den norske kvalifiseringa i Volvo World Challenge i Golf. I den store turneringa på Miklagard golfbane på Kløfta møttest spelarar som hadde kvalifisert seg gjennom mindre turneringar rundt i landet. Slik vi skreiv i juli, vart Alexander kvalifisert gjennom sin andreplass i kvalifiseringsspel på Sandane. På Miklagard klarte han 33 poeng i Stableford-spel, medan vinnaren hadde 34 poeng. Alexander var såleis berre eitt poeng frå å ha sjansen til å reise til verdensfinalen i Kina, der vinnarane frå slike turneringar i rundt 30 land møtest om ti dagar. Men ved sida av godt spel, kan Alexander ta med seg frå turneringa å ha slege Lasse Kjus. Den tidlegare stor-alpinisten er også ein svært habil golfspelar, og Alexander har såleis klart det mange prøver på fjernsynet: Kven kan slå Åmodt og Kjus?
05.09.14 11:30
Flister sin kveld på Eidsåvoll
Det vart Elling Flister sin store kveld på Eidsåvoll. Lagkapteinen på ÅVK senka Hasundgot med eit ekte ”hat trick.Kampfakta: 5.divisjon menn
ÅVK – Hasundgot 4-0 (3-0)
Mål: 1-0 Per Gunnar Lundehaug (15 min), 2-0 Elling Flister (25 min), 3-0 Elling Flister (44 min), 4-0 Elling Flister (72 min)
Bane: Eidsåvoll gras
Dommar: Kristian Standal, Rollon.
ÅVK: Ådne Seljeset, Vegard Prozenko, Anders Midtbø, Andreas Nystøl, Erlend Kragset, Andreas O. Kriken, Sondre Hasund, Sander Iversen, Jon André Thue, Per Gunnar Lundehaug, Elling Flister.
Innbyte: Kenneth Bellen, Anders Bellen, Martin Storeide. Kjell Brenne Trass forfall frå tre av den faste førsteellevaren såg ikkje det ut til å svekke eit ÅVK som hadde full kontroll mot Hasundgot. Dermed tok ÅVK revansje for 3-1 tapet i vårkampen. Hasundgot hang med på notane ei stund i 1. omgang og kunne også ha fått utteljing etter 23 minutt, men ein årvaken Ådne Seljeset tok ein fullstrekkar på skotet og styrte ballen på utsida av stolpen. Nærare scoring kom ikkje ulsteinlaget. Per Gunnar Lundehaug, som var trekt fram på venstre kant, laga 1-0 til heimelaget etter kvarteret. Ein kald lobb over eit utrust keeper i målfeltet strauk presist inn under tverrliggaren. Elling Flister har funne den scoringsforma han mangla i vårkampane og framstår no som ÅVK sitt farlegaste angrepsvåpen. I det 25. minuttet heada han elegant inn 2-0 etter eit fint førearbeid på høgrekanten av kjappe Sander Iversen. 3-0 kom straks før pausesignalet. Nok ein gong signert Flister. Han parerte avklaringa til ein uheldig Hasundgot-spelar, snappa ballen og finta ut keeper. 3-0.  4-0 kom midtvegs i andre omgang. Unge Martin Storeide fekk sleppe til på venstrekanten frå innbytarbenken. Friskusen av eit balltalent hadde ikkje vore lenge på bana før han skaut ein ball Hasundgot sin keeper måtte gi retur på. Elling Flister var nok ein gong rett mann på rett plass. Han snappa returen og sende han kopntant i nettet.  Flister hadde også sjansen til å plante si fjerde scoring, då kan kjapt stakk igjennom, men keeper fekk med nød og neppe klarere. Sondre Hasund var også nære på å score minuttet før full tid, men markkryparen small i stolperota. Med sigeren onsdagskvelden for eit ÅVK som mangla både Sindre Thue, Øyvind Myklebust og Ole Petter Storeide, er ÅVK utan tap i haustsesongen. Laget ligg i skuggen for tettrioen på tabellen, seks poeng bak Vigra på 2. plass. Tabelltrioen Stordal, Vigra og Hovdebygda skal til Eidsåvoll i haust. Med siger mot desse topplaga kan det fort bli opprykksfeber på Eidsåvoll.  Stjerner ÅVK ***       Elling Flister **         Andreas Nystøl Sander Iversen
03.09.14 21:48
Reiser til VM
Neste veke får Nordstranda sin første deltakar i eit verdsmeisterskap.Eller kanskje er det ikkje rett å seie deltakar i eintal, for dei er i høgste grad to om det, Jan Myklebust og hunden Rex, som i morgon, fredag, set kursen til VM for gjetarhundar i Inverness i Skottland. Jan og Rex har kvalifisert seg til meisterskapen gjennom sjetteplassen i NM og resultat i dei såkalla landsprøvene for gjetarhund. Poenga frå desse konkurransane gir dei ein tiandeplass i Noreg. I alt stiller det femten ekvipasjar herifrå mellom dei 240 deltakarane frå heile verda. Konkurransane vert avvikla frå onsdag i neste veke, men alt i morgon set Laila og Jan Myklebust seg i bu-bilen, med Rex på sin faste plass for å køyre til Løten. Derifrå vert det ein lang køyretur i anna manns bil for Rex, medan Laila og Jan tar fly frå Gardemoen. Vi kjem med meir om VM-fararane i papirutgåva.
28.08.14 14:26
Effektivt ÅVK hadde kontrollen
Jamnbyrdige i banespel, men ÅVK scora dobbelt så mange som heimelaget Ørskog onsdag kveld.  Kampfakta:
5. divisjon menn
Ørskog – ÅVK 2-4 (1-3)
Mål ÅVK: Sindre Thue, Vegard Prozenko, Andreas Osnes Kriken Kjell Brenne ÅVK heldt fram haustsesongen med nok ein siger. I kampen mot Ørskog onsdag makta laget å score på ein større del av sjansane enn det laget har gjort før i sesongen.  Sindre Thue vart dagens mann før pause. To dødballar, eitt frå cornerflagget og eitt frå straffemerket var nok til å gi ÅVK ei kjærkomen leiing. Straffesparket kom etter felling av Erlend Kragset, som offensivt frå sin backposisjon leverte årsbeste. Det andre målet var ein corner som strauk inn under tverrstanga i eit godt pressa målfelt. 0-2. Ørskog reduserte til 1-2 på straffe før ÅVK igjen var frampå med nok eit mål. Ei tråklande ”spel i mål” scoring der Vegard Prozenko var sistemann på ballen.  Andre omgang blir først og fremst hugsa for Andreas Osnes Kriken sitt langskot frå 25 meteren, ein ball Ørskog-keeperen måtte kapitulere på, for øvrig den første scoringa i ÅVK-drakta etter overgangen frå Volda. –Eit greitt resultat! meiner ÅVK-trenar Øyvind Myklebust som måtte stå over sjølv på grunn av lyskestrekk. Når så kollegastoppar i midtforsvaret, Andreas Nystøl, også var fråverande på grunn av sjukdom, vart det to nye i ”debutantar”. Anders Midtbø og Per Gunnar Lundehaug. Dei gjorde begge solide jobbar. God var også Ådne Seljeset som leverte ei bra kamp som keeper. Elles viste kampen at Jon Andre Thue er i ferd med å finne forma att etter den langvarige skaden. Eit traust arbeid på midtbana i begge omgangane. Stjerner:
*** Erlend Kragset
** Jon Andre Thue
*   Ådne Seljeset
28.08.14 09:53
Målrikt i lokalfotballen
Målproduksjonen blant seniorlaga i Vanylven var denne veka i toppskiktet. Måndagskvelden slo Åheim til med 5-0 heime mot Kvamsøy/ÅVK2 på Løvold og tysdag heldt ÅVK fram med 6-0 over Sunnylven/Stranda2 på Eidsåvoll. Men best var Åheim/Selje sitt niar-damelag i 4. divisjon som måndagskvelden vann med heile 8-6 over Herd på kunstgraset på Åheim. Vi følgjer opp kampane i papirutgåva.
20.08.14 14:10
Måtte skyte sauene
Det vart ingen veg utanom, og to av dei skorfaste sauene i Blåfelden måtte bøte med livet.Det eine lammet hadde, som det går fram av papirutgåva, kome seg over til trygg grunn på den andre sida av skora attmed hylla der sauene stod. Onsdag vart det først prøvd å skreme dei to attverande til å freiste å klatre oppover att, men dette var fåfengt, og ein kom fram til at det ikkje var anna råd enn å skyte dei. Dette vart gjort frå sikkert hald på hylla der det eine lammet hadde kome seg over og dyra fall ned i ura nedanfor, der skrottane vart tekne hand om av eigaren.
15.08.14 09:47
Grei poengdeling mot MSIL
MSIL - ÅVK 2-2 (1-1)ÅVK opna haustsesongen onsdagskvelden med bortekamp mot MSIL. Kampen enda 2-2, eit rett bilde av det som skjedde i kampen. Sindre Thue gav ÅVK føringa i 1. omgang etter eit fin gjennomspel frå Elling Flister. MSIL utlikna før pause til 1-1. Flister gav ÅVK på nytt leiinga i andre omgang , men heimelaget slo tilbake og greidde å utlikne til 2-2 etter ein uheldig forsvarglipp i ÅVK si bakre rekke.             ÅVK møter Sunnylven/Stranda 2 førstkomande tysdag heime på Eidsåvoll og bør då fylle opp poengkontoen med ein tre-poengar. Andre resultat: Ørskog – Hovdebygda 0-2, Vartdal – Åmdal 5-0.
14.08.14 15:16
Dramatikk i Hovda Rundt
Sist laurdag vart sykkelløpet Hovda rundt arrangert. 41 syklistar konkurrerte denne varme sommardagen, der Stig Ronny Kragseth tok fyrsteplassen i herreklassen med tida 1.10.20. Anne Grethe Bråten vart beste kvinne med tida 1.14.40. Arrangørane kunne glede seg over høgare deltaking enn i fjor, men ambulanse måtte tilkallast etter at to deltakarar gjekk i bakken rett før målstreken. Vi kjem attende med meir i papiravisa
11.08.14 08:03
Jentene gjekk nesten heilt til topps!
 J-14-jentene frå Åheim slo fredag morgon Charlottenlund SK i semifinalen i A-sluttspelet i Norway Cup 3-0. Anna Nygård Thunem skåra to av måla, Elisa Bakkebø eitt. Dermed var jentene i finalen i A-sluttspelet. Og den gjekk mot Håkvik i dag klokka 13.30 no i dag Der vart det diverre tap med 4-0-. Men det rikkar ikkje på inntrykket av at laget har gjort ein flott prestasjon! TV 2  har gitt beskjed om at dei vil vere på plass, men etter programmet vil det ikkje verte sendt direkte frå kampen, så dette er mest truleg til reportasjeklipp i etterkant.
31.07.14 23:14
Fylte Myraløda med countrymusikk
Det var fullt i løda og ekstraplassar på tunet utanfor då dalsfjordingane laurdag igjen viste kva som går an å få til når ein blandar musikk, glede og pågangsmot. Hovudgjest Claudia Scott var mektig imponert. Noko slikt hadde ho aldri vore med på før, fortalde ho oss.   Vi kjem med reportasje i papiravisa.
28.07.14 11:59
VIDEOAR   GALLERI   WEBCAM
veret der du bur
 
FØRSTESIDA

 

KULTURKALENDAREN

Torsdag 25. september
17.00 Samtalestund, kyrkjekontoret Fiskå

Laurdag 27. september
11.00 Kunstutstilling, kommunestyresalen
12.00 Kunstutstilling, Lundgarden
15.00 ÅVK - Vigra, Eidsåvoll
Tripod & Martin Rygvol, Gymmen Nordfj.

Søndag 28. september
11.00 Sunnm. kr. mannskor, Slagnes kyrkje
12.00 Kunstutstilling, Lundgarden
13.00 Fårikålmiddag, Syvde samf.hus
14.00 Kunstutstilling, kommunestyresalen
17.00 Familiesamling, Sion Åheim

Onsdag 1. oktober
12.00 Kunstutstilling, Lundgarden
18.30 Søner av sola Opera Nordfj.

Torsdag 2. oktober
18.30 Søner av sola Opera Nordfj.

Fredag 3. oktober
19.00 Egil Svartdahl, Herøy frikyrkje

Laurdag 4. oktober
12.00 Kunstutstilling, Lundgarden
18.30 Søner av sola Opera Nordfj.
19.00 Egil Svartdahl, Herøy frikyrkje

Søndag 5. oktober
11.00 Egil Svartdahl, Herøy frikyrkje
12.00 Kunstutstilling, Lundgarden
14.00 Matiné Opera Nordfj.
15.00 Eldrefest, Eidsåtun
19.00 Egil Svartdahl, Herøy frikyrkje

Tirsdag 7. oktober
18.30 Søner av sola Opera Nordfj.

Onsdag 8. oktober
12.00 Kunstutstilling, Lundgarden
18.30 Søner av sola Opera Nordfj.

Fredag 10. oktober
18.30 Søner av sola Opera Nordfj.

Laurdag 11. oktober
12.00 Kunstutstilling, Lundgarden
18.30 Søner av sola Opera Nordfj.
19.00 Orientalsk aften, Nordstranda gr.hus

Søndag 12. oktober
12.00 Kunstutstilling, Lundgarden

Onsdag 15. oktober
12.00 Kunstutstilling, Lundgarden

Torsdag 16. oktober
Casa Murilo, Gymmen Nordfj.

Fredag 24. oktober
21.30 Country & rock, Rica Sunnfjord

Laurdag 18. oktober
12.00 Kunstutstilling, Lundgarden

Søndag 19. oktober
12.00 Kunstutstilling, Lundgarden

Onsdag 22. oktober
12.00 Kunstutstilling, Lundgarden

Laurdag 25. oktober
12.00 Kunstutstilling, Lundgarden
Tor og Bettan, Opera Nordfj.
21.30 Vassendgutane, Rica Sunnfjord

Søndag 26. oktober
12.00 Kunstutstilling, Lundgarden

Laurdag 1. november
Den store kinodagen, Opera Nordfj.
Linda Eide og Sjur Hjeltnes, Opera Nordfj.

Søndag 9. november
Norsk Reisning, Opera Nordfj.

Fredag 14. november
Kulturnatt, Opera Nordfj.

Fredag 28. november
Christmas with Nordic Tenors, Opera Nordfj.

Onsdag 3. desember
Bjørn Eidsvåg, Opera Nordfj.

Søndag 7. desember
Juleteater, Opera Nordfj.

Laurdag 13. desember
Sigrid Moldestad m/band, Opera Nordfj.

Laurdag 20. desember
Straum 2014, Gymmen Nordfj.

VIL DU HA DITT ARRANGEMENT PÅ KALENDEREN?
Arrangement må ha vore i papirutgåva til Synste Møre for å kome på kalenderen. Annonse kan tingast på 70 02 08 20 eller redaksjonen@synste.no

 
FERjERUTER
Årvik-Koparnes    
Lauvstad-Volda    
Larsnes-Åram-Øyane    
Lote-Anda    
Hareid-Sulesund    

 

     





Redaktør:
Vidar Parr

Synste Møre,
Postboks 53,
6139 Fiskåbygd

TIPS OSS 
Telefon:
70 02 08 20

E-post:
redaksjonen@synste.no

Følg oss på:

  

Synste Møre arbeider etter Ver Varsamplakaten sine reglar for god presseskikk. Synste Møre har ikkje ansvar for innhald på eksterne nettsider som det blir lenka til. Alt innhald er opphavsrettsleg verna 2014 ©


Web Design og CMS: Osberget