Viste fakter
 |
|
OPPVISNING: Sebastian Larsen t.v og Henrik Stahl imponerte med teknisk gode øvingar i Taekwondo. (FOTO: Jermund Rekkedal). |
Presise rørsler, raske fakter og imponerande god balanse og kontroll med både armar og bein, vart det for unge taekwondoar på Åheim onsdagskvelden.
Kjell Brenne
Jau,visst hadde tre titals unge i Vanylven Taekwondoklubb gjort leksa si då dei viste fram kva dei hadde øvd inn på repertoaret sidan starten på klubben. Og med mystiske ”tsje-lydar” frå stilige, kvitkledde wondo-kroppar, sette dette eit orientalsk preg på framvisinga i gymsalen på Åheim skule til applauderande foreldre.
-Dei viste fram basisteknikkar i første del av grunnprogrammet, forklarte instruktør Wenche Modalen Berget som fortel at klubben trenar to gonger i veka. Når teknikkane sit godt, blir det å trene på nye kroppsrørsler innan Taekwondo-skuleringa, seier Wenche som viste fram ein sekvens på kva aktivitetar som står på programmet i vekene framover.
