resized_frontpage_02.jpg

   TIPS OSS 700 20 820


TIPS OSS 700 20 820
HÆRVERK: På Eidsåvoll har bilen spunne seg tvert over bana og skada grasteppet. (FOTO: Tor Inge Nygård)
HÆRVERK: På Eidsåvoll har bilen spunne seg tvert over bana og skada grasteppet. (FOTO: Tor Inge Nygård)

Vandalisme på Eidsåvoll

(16.02) Både på fotballbana på Eidså og på nokre markar rundt omkring på Eidså og i Syvde har det natt til i dag vore gjort hærverk med bil.

På grasbana på Eidså har dei som står bak ugjerninga køyrt ned trinna mellom kiosken og tribuna med ein høgaksla firhjulstrekkar og deretter spunne tvert over bana. Lukka er at bakken kanskje var så tela at ein slepp den store reparasjonen på grasmatta.
– Om ikkje grasrota er for skada, vil det vere sjanse for at vi slepp berre med merke som vil synest langt ut gjennom sesongen, men dei som står bak bør uansett få gjere opp for seg. Dette er vandalisme og skikkeleg ukjekt for oss som brukar mykje tid på å halde bana i stand, seier ein lett oppbrakt banemeister Arild Midtbø.

Bilen som har vore på ferde er også funnen i dag tidleg. Dei som står bak kan vente seg eit oppgjer med øvrigheta, fortel kommunalsjef Terje Kolstad.
– Dette er misgjerning som vi ser alvorleg på. Saka er difor no meld til lensmannen, så får vi ta det vidare derifrå, seier Kolstad.

Då ballen hadde målskrekk...
Då ballen hadde målskrekk...
Det kunne nesten sjå slik ut for ÅVK torsdagskvelden. For dette var korkje sjansesløseri eller feilmarginar.  Bataljen handla mest om eit angrepspressande Åram/VanKam som tapte kampen mot Skodje sin målstrek. Så opererte gjestene med årets beste ”heimevern” på Eidsåvoll. Kampfakta
5. divisjon Sunnmøre menn
Åram/VanKam – Skodje 0-1 (0-0)
Mål: 0-1 Eirik Hjellvik (54 min)
Eidsåvoll gras
Dommar: Richard Olsen Åmdal IL
Tilskodarar: 40
ÅVK: Robert Midtbø, Erlend Kragset, Øyvind Myklebust, Oscar Vik, Ole André Kragset, Uchin Cho, Anders Bellen, Anders Midtbø, Per Arne Ekremsæter, Torstein Koppen, Carl-Even Grande.
Innbyte: Torgeir Halsen, Henning  Sætre, Per Gunnar Lundehaug, Ole Per Kragset.  Vidar Parr –Ein kamp vi burde ha vunne! oppsummerte ein nøkternt skuffa ÅVK-trenar Oddvin Kragset etter kampen. Det gir nok eit rett bilde av det som gjekk føre seg på Eidsåvoll torsdagskvelden. For ÅVK hadde nok av sjansar til å avgjere. Det ville berre ikkje. Nærast var Carl-Even Grande sin ball i stolperota der returen skleid faretruande nær mot motsett stolpe og så utatt. Ein kamp som først spissa seg til etter pause, men som levde alt frå avspark til sluttsignal. Ein førsteomgang med likeleg spelfordeling, men med litt for tafatte avslutningar framfor mål. Likevel med signalet om at det ikkje blir mållaust etter pause. ÅVK stramma grepet og flytte spelet offensivt opp på Skodje sin banehalvdel med fleire cornarar som resultat. Men innlegga frå hjørneflagget vart effektivt uskadeleggjorde av eit hovud- og markeringssterkt forsvar, anført av ein solid keeper som dirigerte forsvarsguarden på ein dyktig måte. ÅVK sin Torgeir Halsen, som har slite med kneskade, vart saman med Henning Sætre sett innpå ti minutt ut i 2. omgang. Det gav ny fres i angrepet. Dette vart ytterlegare forsterka med superveteran Ole Per Kragset sitt innhopp ti minutt før full tid. Farten er ikkje som i glansdagane lenger, men rutinen, ballskjerming i duellane og evne til å finne opningane i avslutningsposisjonane , var framleis der. Skodje på si side ville også ha med seg poenga og spelte seg fleire gonger effektivt framover bana til sjansar som kunne ha gitt utteljing. Kampen sitt einaste mål kom etter 54 minutt. ÅVK venta direkte skot på frisparket frå skrått 20 meters hald, men istaden vart det ei kort pasning til ein ventande Eirik Hjellvik som forserte tversover og fann den opninga han trengde for å sende ballen i mål borte ved stolpen utanfor til ein delvis dekt keeper Robert Midtbø i ÅVK-målet. Poenglaust nok ein gong for ÅVK sender laget ned på 3. sisteplass på tabellen med kun 7 poeng, det same som Volda 2 og Vigra, som vann sin kamp, no er oppe på 5. Det aukar poengpresset på ÅVK framfor neste kamp mot Stranda neste torsdag som blir den siste før ferien. Andre resultat runde 10:
Stranda – Ellingsøy  0-0
Ørsta – Herd 2  2-2
Vigra – Hovdebygda  2-1
Valder – Blindheim  5-2
Giske – Volda 2  4-2    
23.06.17 08:42
boksalg_stor.jpg
teikning.jpg
Bølgjekraft-besøk i Vanylven
Bølgjekraft-besøk i Vanylven
(20.04) Eit tjuetals representantar for energiverksemda Waves4Power og samarbeidspartnarar gjestar i desse dagar Vanylven og har i går og i dag mellom anna møtt politikarar, administrasjon og næringslivsrepresentantar. Det svenske selskapet, med samarbeidsspartnarar i fleire land i Europa, har i fleire år satsa på å utvikle ei bøye som toler krevjande tilhøve og kan levere stabil energi frå bølgjekraft. Ei slik bøye har ei tid vore under utprøving ved Runde og leverer no fast energi inn på straumnettet.  Ein viktig samarbeidsaktør i Norge er Stryneverksemda Stryvo Group AS, og i lag har dei sett seg ut Fiskåholmen som ein stad der dei om lag 35 meter lange bøyene kan monterast i hop og skipast ut. Bølgjekrafta er inntil vidare dyr å produsere og er tenkt nytta på spesielle stader som ligg vanskeleg til for tilgang på vanleg straum, som til dømes øysamfunn som på Orknøyane og Færøyane. Det ligg også føre planer om bøyer som kan gjere til dømes oppdrettsanlegg til havs sjølvforsynte med straum og i tillegg få ut effektar som produksjon av vatn, hydrogen og oksygen. Måndag besøkte følgjet sjølve bølgjekraftverket ved Runde, ein frisk tur i bølgjer og blåst. Om kvelden var formannskap, etatsjefar, Vanylven Utvikling og andre inviterte til middag, der det var dekka til med langbord i heilt spesielle lokale, den tidlegare verkstadhallen på Fsikåholmen. I dag var mellom anna kommunestyret inviterte til lunsj og fekk litt orientering om kva som er tenkt. Førebels er mykje uvisst, etter kva grad ein lukkast med satsinga, anna enn at det til vinteren skal monterast tre nye bøyer i den såkalla next generation, som skal til Orknøyane. Men slår alt til, vart det antyda at det ein gong i framtida kan verte produsert tre bøyer per dag på Fiskåholmen.
– Om vi får det til, vert det heilt fantastisk, sa styreleiar Oddvar Strand i Stryvo AS.
20.06.17 14:28
Målskred for Åheim/Stadt
Målskred for Åheim/Stadt
(10.6) Åheim/Stadt slo til for fullt i sin første siger for året i 6. divisjon. Jørgen Honningsvåg vart kampen sin store profil. Den effektive spissen signerte fem av dei ni måla for heimelaget mot gjestene frå Moltustranda.6. divisjon Sunnmøre avd 2
Åheim /Stadt – Moltustranda 9-1 (4-1)
Mål: 0-1 Lars Petter Rønnestad, 1-1 Jørgen Honningsvåg, 2-1 Magne Brobakke, 3-1 Jørgen Honningsvåg, 4-1 Jørgen Honningsvåg, 5-1 Jørgen Honningsvåg, 6-1 Jørgen Honningsvåg, 7-1 Sigve Røkås, 8-1 Ørjan Westerås, 9-1 Thomas Stahl.
Bane: Løvold gras
Dommar: Magne Jonny Krumsvik, Hødd.  
10.06.17 13:59
Motorhavari nær Kvamsøya
Motorhavari nær Kvamsøya
(09.06) Bilferja «Kvam» fekk i dag motorhavari nær Kvamsøya. Folk på Hakallestranda høyrde eit kraftig smell før ferja vart liggande kring klokka 10.30.– Eg høyrde eit kraftig smell og vedvarande ramling frå ferja. Så eitt eller anna var gale - og det må vere eit alvorleg motorhavari så langt eg kan skjøne, seier Inge Kløvning som var i arbeid med huset sitt på Kløvningen då han høyrde braket. «Ambu» kom snøgt til og båten fekk ferja til kai på Kvamsøya kring klokka 11.00. Då vi var i kontakt med Norled like etter at vi hadde fått meldinga, var dei i ferd med å skaffe seg oversikt over kva som hadde skjedd. Til smp.no seier no regiondirektør Utaker at ei reserveferje vil bli sett inn i sambandet i løpet av nokre timar. Vi viser elles til Norled si meldingsside om reserveferje m.v.
09.06.17 11:25
Tre sure i 1-5 tap
Tre sure i 1-5 tap
(09.06) Taus dommarfløyte ved tre av Valder-måla imot ÅVK torsdagskvelden på Eidsåvoll sende heimelaget av bana med humøret på botnnivå.  – Dette var surt! sa ein oppgitt ÅVK-trenar Oddvin Kragset om stortapet etter kampen. Kampfakta:
5. divisjon menn Sunnmøre
ÅVK – Valder 1-5 (1-0)
Mål: 1-0 Elling Flister (2 min), 1-1 Olai Rørstad (60 min), 1-2 Mikal Dyb (74 min), 1-3 Olai Rørstad (79 min), 1-4 Henrik Oksnes (87 min), 1-5 Henrik Oksnes (90 min)
Bane: Eidsåvoll gras
Dommar: Dag Harald Moldskred, Hareid IL.
Publikum: 40
Gule kort ÅVK: Anders Midtbø, Jon Andre Thue.
ÅVK: Robert Midtbø, Erlend Kragset, Anders Midtbø, Øyvind Myklebust, Ole André Kragset, Uchin Cho, Elling Flister, Anders Bellen, Henrik Koppen, Carl-Even Grande, Torgeir Halsen.
Innbyte: Per Arne Ekremsæter, Henning Sætre, Per Gunnar Lundehaug, Jon André Thue Kjell Brenne Skuffelsen vart nok også forsterka av at ÅVK etter ein godkjent førsteomgang med 1-0 leiing, rakna fullstendig siste halvtimen mot ein motstandar som berre tok eit stadig sterkare grep om spelet utover i kampen. Valder fekk prikke inn fem skoringar før dommar Dag Harald Moldskred sette sluttstrek.             ÅVK fekk ein pangstart på kampen då Elling Flister alt etter 2  minutt sende ballen i mål. Torgeir Halsen sitt innlegg spratt først i bakken og over ein feilreknande keeper som samtidig sklei overende og la målet ope for Flister. Førsteomgangen var jamnspela med Valders sitt pasningsspel på midtbana som det mest typiske, men som stanga mest mot eit ÅVK-forsvar som avviste alt før gjestende kom til avslutning. Faktisk burde heimelaget ha skaffa seg ei to-målsleiing for laga gjekk i garderoben til pause.  Andreomgangen opna med eit farleg Valder-skot like over tverrliggaren frå god posisjon etterfølgd av ein gedigen sjanse for ÅVK for ope mål.  Valder fekk endeleg hol på ÅVK-byllen etter eit kvarters spel.  Ein vill tretrekkskanonade frå nært hald måtte til slutt keeper Midtbø kapitulere på. Det skjedde så fort at dommar Moldskred ikkje registerte offsiden på skotet i førevegen. 1-1.  Valder fekk utover i omgangen dominere meir og meir og putta på fire mål til. Eitt av desse oste nok ein gong av offside. Det mest omtalte vart likevel målet der ÅVK-keeper signaliserte at ballen på innlegget var synleg godt bak mållinja, stoppa opp og let ballen trille over målstreken i den tru at dommaren hadde blåse.  –Spel til fløyta går! var derfor dommar Moldskred si gylne påminning til heimelaget sine spelarar i den ampre diskusjonen med ÅVK-leiinga etter kampen. Det handlar om kva som er dømt og ikkje kva som faktisk har hendt! Ja, sånn er det berre! ÅVK hadde i kampen nokre eit par opne målsjansar som burde gitt utteljing. Alt i alt var det ein fortent siger til Valder, teknisk gode og med betre presisjon i pasningsspelet sjølv om sigeren vart i største laget. ÅVK sin beste lagdel var forsvaret med midtstoppar Øyvind Myklebust som ein god dirigent.    
09.06.17 10:50
Ludvigsen sette løyperekord opp Blåfelden
Ludvigsen sette løyperekord opp Blåfelden
(03.06) Torbjørn Ludvigsen frå Varegg slo til og sette ein knallsterk rerkord i Blåfelden Rett opp. 36 minutt og 23 sekund etter starten var han i mål på toppen! I eit rekordstort konkurransefelt på 77 løparar og under gode fohold, gjorde altså Ludvigsen, som er ein av landet sine beste motbakkeløparar,  kort prosess. Vi registerer også at Erik Voksøy Bringsvor frå Sandsøya kom inn på ein flott tredjeplass med berre Erling Hisdal mellom seg og vinnaren. I dameklassen var Therse Sjursen frå BCG Bergen utilnærmeleg. Også ho i toppen av motbakkeløparar. Ho vann på 46.32, kring to og eit halvt minutt føre Merete Helgheim frå Gloppen. Over 230 stilte og til start i mosjonsklassen - slik at det var godt over 300 personar som laurdag tok turen til Blåfelden. Imponerande! Mykje folk var også til stades i sentrum i Syvde under løpet. Kosterikjedagne opna med brask og bram fredag, heldt fram i dag, laurdag, og blir avslutta i morgon, søndag.  Vi kjem grundig tilbake med reportasje både frå dagane og detaljar om motbakkeløpet  i papiravisa.
03.06.17 12:54
Fann ikkje angrepsrytmen
Fann ikkje angrepsrytmen
(02.06) Eit tannlaust ÅVK måtte på nytt gå av bana på Eidsåvoll torsdagskvelden med null på målkontoen. Det vart for mykje rusk i spelemotoren.Kampfakta
5. divisjon menn Sunnmøre
Åram/VanKam – Blindheim 0-2  (0-1)
Mål: 0-1 Preben Hagen Torvanger (16 min), 0-2 Emil Matias Karlssen (86 min)
Bane: Eidsåvoll gras
Dommar: Oddbjørn Aam, Åmdal IL.
Tilskodarar: ca 40.
Gule kort ÅVK: Andreas Nystøl, Oskar Vik.
ÅVK: Robert Midtbø, Ole-Petter Storeide, Andreas Nystøl, Øyvind Myklebust, Oskar Vik, Uchin Cho, Anders Midtbø, Anders Bellen, Per Arne Ekremsæter, Torstein Koppen, Elling Flister.
Innbyte: Thomas Åvik, Vebjørn Aaland Brekke, Sondre Ersvåg  Kjell Brenne ÅVK fekk sitt første heimetap for sesongen. Greitt nok etter det som vart vist på bana. Alt i alt var Blindheim hakket betre. Dermed har ÅVK sige ned på 4. sisteplass på tabellen med berre 7 poeng, berre eine poenget føre Giske, ein tabellsituasjon korkje trenar Oddvin Kragset eller spelarane bør knipe augene att for. Og når så eit  Valder som jaktar toppen på tabellen er nestemann på Eidsåvoll, må det mobiliserast maksimalt om poeng skal vere innan rekkevidde. ÅVK kom best igang, men typisk nok for det som prega kampen, stoppa angrepsflyten før ein kom til farlege avslutningar. Det vart mest plukkballar inn til Blindheim-keeperen. Corneren etter kvarteret der ballen fekk gli uforstyrra gjennom Blindheimforsvaret, vart ÅVK sin farlegaste før pause.  Då var det meir effekt i corneren til Blindheim minuttet etter der ein umarkert Preben Hagen Torvanger ute i feltet fekk denge til utanfor Midtbø si rekkevidde. 0-1. Den same Midtbø måtte ut i full kroppsstrekk etter halvtimen for å feie vekk ein ny ball med adresse innanfor stengene. Andreomgangen vart ein god spegel av det som skjedde før pause, med dei farlegaste sjansane til gjestene, men der ÅVK-forsvaret rydda bra unna, anført av keeper Midtbø.  ÅVK hadde tendensane, men det fløkte seg for mykje til. Det vart for mange feil i pasningsspelet, både i presisjon og i retningsval. Eit minus var det at Carl-Even Grande eller Torgeir Halsen melde forfall. Det gjorde sitt til at Torstein Koppen var uvanleg annonym på sentral topp. Best likte vi Anders Bellen, hardtkjempande på midtbana og Uchin Cho som trekkmotor på sida. Ein høgrekant som viste å kunne stelle til trøbbel i Blindheimforsvaret, men som vart for lite spelt på.    
02.06.17 10:15
ÅVK–trenaren: –Vi måtte berre vinne
ÅVK–trenaren: –Vi måtte berre vinne
Tre strake tap på bortebane var meir enn nok for ÅVK-trenar Oddvin Kragset. Derfor varma sigeren over Giske torsdag ekstra sjølv i striaste skoddevinden. Åheim/Stadt derimot slit i ein tung sesongstartKampfakta
5. divisjon menn Sunnmøre
Torsdag 25. mai
Giske – ÅVK 2-4 (0-2)
Mål: 0-1 Carl - Even Grande (8 min), 0-2 Torstein Koppen (16 min), 1-2 Ulrik Holm (71 min), 2-2 Fredrik Furnes (75 min), 2-3 Thomas Årvik (78 min), 2-4 Torstein Koppen (87  min)
Bane: Giske gras
Dommar: Arild Vegsund.
ÅVK: (4-4-2) Robert Midtbø, Erlend Kragset, Andreas Nystøl, Oskar Vik, Ole A. Kragset, Uchin Cho, Elling Flister, Anders Bellen, Carl-Even Grande, Torstein Koppen, Per Arne Ekremsæter.
Innbyte: Torgeir Halsen, Anders Midtbø, Thomas Årvik, Ole Petter Storeide. Det vart ein kamp der den langsgåande vinden på bana vart ein god medhjelpar. I første omgang hadde ÅVK vinden i ryggen og stod for det meste av mange målsjansar. Giske var knapt frampå med avslutningar.  ÅVK kunne gå til pause med ei komfortabel 0-2 etter nettkjenningar av  Carl – Even Grande og Torstein Koppen. Etter pause vart det jamnare. Giske fekk då hjelp av vinden. Men det var først på syttitals-minutta det skjedde. Første fekk Giske to mål og fekk balanse i stillinga 2-2. Men alt tre minutt etterpå svarte ÅVK då innbytar Thomas Årvik auka til 2-3 etter godt for arbeid av ein annan innbytar, Per Gunnar Lundehaug, som også pådrog seg dommaren sitt gulekort minuttet før ordninær speletid var over.  Torstein Koppen auka til 2-4 straks før full tid. ÅVK tok eit viktig steg oppover på tabellen og ligg på 7. plass med 7. poeng etter seks kampar. Ørsta står utan tap og leier med suverene med 21 poeng etter 7 kampar. Ørstingane slo Skodje så klart som 4-1 på Skodje og er på god veg attende til 4. divisjon. Andre resultat runde 6: Stranda – Hovdebygda 1-1, Valder – Herd 2  3-2, Skodje – Ørsta 1-4, Volda 2 – Vigra 2-3, Blindheim – Ellingsøy 0-3. SM:Tippegjesten: 3 rette. Glapp mot slutten 6. div. avd.2: Vartdal – Åheim/Stadt 2-0 (0-0) Åheim/Stad har hatt ein tung sesongstart. Tapet onsdag på Vartdal var det femte på like mange kampar. Typisk for lag som manglar kondis er at dei ”opnar” seg siste kvarteret. Det skjedde også på Vartdal der heimelaget først tok leiinga etter 70 minutt og sikra sigeren med nok ei skåring fem minutt seinare. Åheim/Stadt pådrog seg fire gule kort mor Vartdals eitt.  –Det var ein jamspela kamp fram til dess første målet kom, men då var vi mest tome for krefter. Så vart det også ei forferdeleg dårleg grasbane vi spelte på. Det var ikkje til våre fordel, meiner oppmann Geir Nielsen som trass tap meiner Åheim/Stadt har stigande formkurve og at det mest  er snakk om marginar før første poenga er eit faktum.    
26.05.17 13:52
Gratulerer med dagen!
Gratulerer med dagen!
Ein flott 17. mai i år - slik vi drøymer om at han skal vere. Og i slikt ver må ein berre gå i tog anten det er sett opp i programmet eller ikkje. Biltet er frå Slagnes der «toglysta» tok overhand og tog vart improvisert. Ha ein strålande dag!
17.05.17 12:57
Øver til den store dagen
Øver til den store dagen
Det gjeld å vere godt budd til den store festdagen.Tysdag gjekk born frå Solsikka barnehage saman med 1.klassingane ved Fiskå skule tog gjenom bygda. Dei gjekk rundt helse- og omsorgssenteret og tilbake via rådhus og Combisenter. Der vart det spandert is frå Spar-butikken, har vi fått vite. Og det er greit å øve på det også - så ein ikkje er heilt ute av is-eteform når dagen kjem!
16.05.17 19:47
Mållaus bordtennisfotball
Mållaus bordtennisfotball
Det var mållaus, men ikkje poenglaust på Eidsåvoll torsdagskvelden mellom tabellnaboane ÅVK og Ellingsøy i ein kjapp att og fram-kamp  der ingen hadde grunn til å klage på resultatet etterpå.Kampfakta
5. divisjon menn
ÅVK – Ellingsøy 0-0
Dommar Magne Jonny Krumsvik, Hødd IL
ÅVK (4-4-2) Robert Midtbø, Erlend Kragset, Oskar Vik, Andreas Nystøl, Ole André Kragset, Henning Sætre, Øyvind Myklebust, Anders Bellen, Carl Even Grande, Torgeir Koppen, Per Arne Ekremsæter.
Innbyte: Ole Petter Storeide, Elling Flister, Uchin Cho, Per Gunnar Lundehaug. Kjell Brenne Kortpasninsspel, nære duellar og tette markeringar prega begge omgangane der fløyteblåsar Magne Jonny Krumsvik vart meir den forklarande kamppedagogen enn den upåverkelege høgsterettsdommaren i dei mange flokane av urimeleg kroppskontakt. Så fekk temperaturen på bana aldri høve til å stige mot kokepunktet. Til det var begge lags spelarar for disiplinerte – slik ein fotballkamp bør kunne serverast for sitt publikum.  Spelet bølga att og fram i ping-pong-stil, men stoppa med det. Det kom  lite til dei dramatiske situasjonane inne i målfeltet. Ikkje nokon av keeperane vart sett på noko dramatisk strekkredning. For Ellingsøy sin del skuldast dette til dels nokre målskapingsfaser med svært så svak presisjon. Noko skuldast for slurvete gjennomspel og eit balltempo som låg i overkant av spelarane sitt tekniske register.  Om nokon skulle premierast, måtte det bli begge lag sine forsvar med gode markeringar, konsentrasjon og balanse. Ei forsvarsmedalje kvar til keeperane, kunne gjerne stå som oppsummeringa av denne kampen. Korkje ÅVK sin Robert Midtbø eller Ellingsøy sin Amund Rongve gjorde nokon feil som sisteskansar. Unge Midtbø har vakse i keepertrøya og var ein av laget sine beste. Kampen under eitt var det ÅVK som hadde dei fleste halvsjansane, men Ellingsøy hadde fort kunne ha teke poenga om ÅVK-forsvaret glapp. Det gjorde bortelaget ikkje. 5. divisjon 4. runde: Andre resultat: Volda 2 – Stranda 1-2, Skodje – Hovdebygda 1-2, Valder – Ørsta 0-3, Giske – Herd 2 2-1, Blindheim – Vigra 4-1    
12.05.17 08:20
Linjene på vidaregåande kjem i gang likevel
Linjene på vidaregåande kjem i gang likevel
(11.5) Utdanningsutvelet i Møre og Romsdal har snudd. Dermed kan dei to linjene på den vidaregåande kome i gang likevel. Det er ein jublande ordførar Lena Landsverk Sande som fortel dette til oss torsdag ettermiddag.Etter det vi førebels har fått opplyst, vart det med knapt fleirtal på møtet i dag vedteke å gjere om vedtaket slik at klassene, Vg1 studiesdpesialisering og Vg2 helse- og omsorg, ved Vanylven vidaregaåande skule kan kome i gang. Oppdatering: (12.5) Det var Steinar Reiten (KrF) som på vegne av fleire sette fram forslaget som vart vedteke og også omgjeringa av vedtaket o mVnaylven var ein del. Forutan KrF si stemme, fekk forslaget støtte frå to uavhengige, Sp, Venstre og FrP. Høgre sine tre og Ap sine to representantar røysta for framlegget frå Fylkesrådmannen. Avdelingsleiar Ester Sørdal Klunge ved skulen i Syvde seier at ho er glad for vedtaket og at skulen skal klare å snu seg rundt igjen og få ting på plass i høæve til det nye vedtaket. – Men det står ikkje til å nekte at det er ein krevjande situasjon for elevane som no får kontrabeskjed så seint. Eg håper og trur likevel at dette skal gå bra, seier Sørdal Klungre. Vi følgjer saka vidare i papiravisa torsdag.
11.05.17 16:42
Sleppte grepet på Herd 2
Sleppte grepet på Herd 2
ÅVK  lukta poeng på reduseringa til 2-1 ti minutt før slutt på kunstgraset på Moa mot Herd 2, men rota det vekk mot slutten i ein kamp der vanylvingane sleit med avslutningane.Kampfakta:
5.div menn Sunnmøre:
Herd 2 – ÅVK  3-2 (2-0)
Mål ÅVK: 2-1 Elling Flister (84 min), 3-2 Per Gunnar Lundehaug (93 min)
Bane: Amfi Moa stadion kunstgras.
Dommar: Martin Javier Solheim, Spjelkavik IL. Kjell Brenne – Ser vi på banespelet og sjansar, så burde vi fått med oss ein uavgjort mot Herd 2 som viste seg som eit godt heimelag, meiner ÅVK-trenar Oddvin Kragset etter kampen. ÅVK stilte med nesten same laget som banka Vigra på Eidsåvoll. Einaste forandringa var at Andreas Nystøl var på plass att i midtforsvaret i staden for veteranen Ole Theodor Hovden som ikkje er fast i stallen lenger og kun steppar inn når behovet er der. Herd var mest effektiv før pause og gjekk i leiinga 2-0. 2.omgang såg ut til å bli mållaus. Men siste ti minutta opna kampen seg og det kom tre skåringar. ÅVK reduserte til 2-1 i det 84. minuttet då Elling Flister fann nettmaskane. Dette sette ein ekstra kveik i vanylvingane som då trykte på for utlikning. Men i staden for fleire ÅVK-mål, vart det Herd 2 som slo tilbake med ei ny skåring like før slutt. 3-1. På overtid var det duka for nok eit mål. Innbytar Per Gunnar Lundehaug kom innpå i sin første kamp for året etter langvarig skade. Syltefjordingen takka for tilliten med å ”pynte” på sluttresultatet til 3-2.
05.05.17 09:04
Hammersvik forsvarte fjorårssigeren
Hammersvik forsvarte fjorårssigeren
(01.05) Vetle Uhre Hammersvik ser ut til å satse på å få Synste Møre -pokalen til odel og eige. i dag tok han andre nappet i ein nokså suveren siger i eit mannsterkt felt i 1. mai-løpet på Åheim. Eit løp som gjekk i eit aldeles nydeleg vårver.18-åringen frå Førde, men med sterke Selje-røter. blei til og med klokka inn på ni sekundar betre tid i år, 9,55 lyder vinnartida på. Hammersvik leia frå start til mål og hadde trygg leiing på Marcus Megrund frå IL Valder som tok andreplassen og Erik Voksøy Bringsvor som i år enda på tredjeplass. Åheim sin eigen Fredrik Hovdevik, som også spring i juniorklassen, kapra ein flott fjerdeplass. Medan det starta eit 30-tals menn i feltet som sprang den lengste løypa, var deltakinga ein god del tynnare i kvinneklassen. Og her var det nesten heimesiger. Eli-Karin Sjåstad Åsebø frå Volda, men med klar Åheim-tilknyting, knuste konkurrentane og spurta inn til klar siger og første napp i Sibelco-pokalen på tida 14,08. Vi kjem med stor reportasje frå idrettsfesten  i papiravisa torsdag.  
01.05.17 14:21
VIDEOAR   GALLERI   WEBCAM
veret der du bur
 
Edit

Torsdag 22. juni
19.00 ÅVK - Skodje, Eidsåvoll

Fredag 23. juni
16.30 Jonsokfeiring, Rjånes ungdomssenter
17.00 Jonsokfeiring, Syltefjord bygdehus
17.00 Jonsokfeiring, Fiskå ungd.hus
17.00 Jonsokfeiring, Klungreholmen
17.00 Jonsokfeiring, Utsikten Fjellkro
18.00 Jonsokfeiring, Sandnesdalen
19.00 Jonsok, Nordal grendahus
22.00 Trubadur Per Sindre, Fiskå ungd.hus

Laurdag 24. juni
16.00 Jonsokfeiring, Almklovdalen
21.00 Olav Stedje, Åhjemsbuda, Selje

Søndag 25. juni
12.00 Rundedagen
14.00 Jonsokfeiring, Dalebøen, Åram

Laurdag 1. juni
13.30 Kongens ring, Herøy amfi
17.00 Kongens ring, Herøy amfi

Søndag 2. juni
13.30 Kongens ring, Herøy amfi
17.00 Kongens ring, Herøy amfi

4-15. oktober
Sildagapet, Operaen, Nordfjordeid

 

 

 

 

VIL DU HA DITT ARRANGEMENT PÅ KALENDEREN?
Arrangement må ha vore i papirutgåva til Synste Møre for å kome på kalenderen. Annonse kan tingast på 70 02 08 20 eller redaksjonen@synste.no

Edit
FERJERUTER

 

Årvik-Koparnes    
Lauvstad-Volda    
Larsnes-Åram-Øyane    
Lote-Anda    
Hareid-Sulesund    

     

resized_frontpage_02.jpg





Redaktør:
Vidar Parr

Synste Møre,
Postboks 53,
6139 Fiskåbygd

TIPS OSS 
Telefon:
70 02 08 20

E-post:
redaksjonen@synste.no

Følg oss på:

  

Synste Møre arbeider etter Ver Varsamplakaten sine reglar for god presseskikk. Synste Møre har ikkje ansvar for innhald på eksterne nettsider som det blir lenka til. Alt innhald er opphavsrettsleg verna 2014 ©


Web Design og CMS: Osberget