resized_frontpage_02.jpg

   TIPS OSS 700 20 820


TIPS OSS 700 20 820

Kristina greidde det igjen

kristinan.jpg

I siste omgang i kulestøtkonkurransen under Ungdoms-NM i friidrett innandørs, slo Kristina Thunem (15) til med eit rekordstøt på 11.97 og sikra seg med det gullet i 16-årsklassa - ein centimeter føre argaste konkurrenten! 

Dermed kopierte friidrettstalentet frå Tunheim bragda frå UM utandørs i haust, då dette biletet vart teke - men i papiravisa torsdag lovar vi både nytt bilete og prat med den ferske noregsmeisteren.

Ti måtte punge ut på Eidså
eidsaa.jpg

UP hadde onsdag ettermiddag fartskontroll i 50-sona på fv 61 på Eidså. Høgste målte fart var 70 km/t. I alt ti bilførar fekk utskrive forenkla forelegg under kontrollen, les vi politiloggen.

Vanskar med ferja
Årvik - Koparnes onsdag kveld

frafjord.jpg

Bilar som skulle med ferja frå Årvik kl 18.45 onsdag ettermiddag, måtte etter ei ventetid rygge på land att og ta ferja frå Larsnes. Årsaka var tekniske vanskar om bord i "Frafjord". 

På ferja kunne dei då vi snakka med dei 18.20 ikkje seie noo sikkert om kor lenge det ville gå før ferja var i drift igjen. Vi kan såleis berre vise til Norled sine nettsider der det vil bli lagt ut meldingar. SISTE: Norled melder kl 20.23 om normal drift i sambandet.

Kreativ samarbeidsinvitt
bergar truleg ambulansen

ambukop.jpg

På styremøtet i Ambulanse Midt-Norge HF i Stjørdal torsdag uttalte styreleiar Petter Bjørdal i følgje smp.no at han trykkjer utspelet frå Vanylven til sitt bryst. Utspelet, som omhandlar samordning mellom dagambulanse og anna medisinsk omsorg, kan berge dag-ambulansen. Styret har no vedteke å få dette forslaget utgreidd - og er i utgangspunktet svært positive til det skisserte samarbeidet.

Vår i Vanylven

tjeldo.jpg

Det blømer i hagane, tjelden er komen (her er dei vi har rettutanfor redaksjonen vår no i dag) - vi ser bilete av flokkar av sporv på facebooksidene våre - og torsdag toppa målestasjonen på Fiskå temperaturlista for heile kongeriket med 12 grader. Og vi er framleis berre i slutten av februar.

1234...95
Storbrann på Selje Hotel
Storbrann på Selje Hotel
Romfløya av Selje hotel vart totalskadd i brann natt til torsdag. Iherdig innsats frå brannvern frå tre kommunar hindra brannen i å spreie seg til omliggande hus.Det var kring klokka halv fire natt til fredag at ein nabo til hotellet oppdaga brannen og varsla. Brannsjef Geir Atle Hatlenes fortel til Synste Møre at då han kom køyrande, stod det opne flammar ut på nedsida av romfløya. Det vart rekvirert hjelp frå brannkorps i Vågsøy og frå begge stasjonane i Vanylven. I tillegg rykte også mannskap frå Stadlandet ut. Sjå fleire bilete HER Berga spaavdelinga og legesenteret
Med sterk vind, var det fare for at elden skulle spreie seg til Spa-delen og vidare til Lækjarsenteret som ligg like ved. Dette lukkast ein i å hindre. Vinden var ein fiende. Det kraftige regnet var derimot ein fordel som gjorde at glør som fauk i lufta snøgt vart slokte av vatnet som rann ned. Ein fekk også berga resepsjonsbygget med matsal og hems, men dette bygget har fått røyk- og brannskader.
– Vi konsentrert oss om å berge desse bygga og hindre spreiing av brannen. Romfløyen var å sjå på som tapt - så den nytta vi ikkje ressursar på, seier Hatlenes. Han ropar elles dette etter oss då vi går vidare:
– Hels heim til mannskapa i Vanylven og takk dei for ein utmerka jobb, seier Hatlenes til oss. Evakuerte
Kring 30 naboar vart evakuerte. Kommunen opna skulen for desse, der dei blei tekne hand om. I morgontimane fekk ein så endeleg kontroll over flammane. Vinden spakna også. Då vi var på staden, var det det etterslokking som gjekk føre seg. Det vil bli halde brannvakt på staden gjennom helga. Årsak?
Årsaka til brannen er ikkje kjent. Politiet seier dei neppe kan gå i gang med teknisk etterforskning i branntomta før etter helga. Lensmann Tor Sæther, som var i Selje i natt, ber om at dersom folk har sett eller høyrt eitt eller anna i løpet av natta, til dømes sett personar eller bilar i området, må dei melde frå.
– Dette tyder ikkje anna enn at vi i starten av ei slik etterforsking må ha alle mulegheiter opne, seier Tor Sæther.
25.11.16 10:08
boksalg_stor.jpg
teikning.jpg
Utforkøyring på Slagnes
Utforkøyring på Slagnes
(19.11) To personar vart send til sjukehus med luftambulanse etter at ein bil køyrde av vegen i Vik på Slagnes i natt.  Det var tre personar i tenåra i bilen. To av dei vart altså sende til Ålesund sjukehus, medan den tredje vart send i ambulanse til Volda sjukehus. 
– Vi veit førebels ingenting om skadeomfanget, opplyser operasjonsleiar i Vest politidistrikt Sogn og Fjordane, Per Rimmen, til Fjordenes Tidende i dag tidleg.  Politiet fekk melding om ulukka klokka 03.24 natt til laurdag, og opplyser at det ikkje er mistanke om rus.
– Det var glatt på staden, men vi veit enno ikkje kva som er årsak til ulukka. Det vil vidare etterforsking vise, seier Rimmen til avisa.
19.11.16 13:13
Storarta Sildesølv
Storarta Sildesølv
Det vart ei stemningssterk og flott oppleving i Fosnavåg konserthus fredag kveld, då Nymark Collective og vokalgruppa Halv 8 framførte verket Sildesølv med tekstar av Hilde Myklebust. – Det har vore ei utfordring å arbeide med dikta til Hilde, sidan dei ikkje er rytmisk oppbygde, men til gjengjeld har dei veldig mykje stemning i seg, seier komponist Kåre Nymark. Det fekk frammøtte jazzglade og ein god kontingent vanylvingar oppleve gjennom det halvannan time lange verket, som svinga frå det mollstemte til det glade, det oppstemte, det drøymande og det rørande, med ypparlege musikk- og songprestasjonar. Og då den mektige avslutninga med titteldiktet Sildesølv tona ut, skjøna vi godt at komponist Kåre Nymark hadde grunn til å smile fornøgd og breitt, medan fleire enn tekstforfattar Hilde Myklebust var litt blanke i auga. Ein treng verken vere jazzentusiast eller vanylving for å like denne musikkopplevinga, sjølv om det nok hjelper på. Så skal du ha med ein jazzkonsert i ditt liv og har sjansen til å møte fram i Parken kulturhus i Ålesund i kveld, så nytt sjansen.
19.11.16 13:12
Slik har du ikkje sett Vanylven før
Slik har du ikkje sett Vanylven før
Han er ein tusenkunstnar. Han går nye vegar og prøver ut ting få eller ingen har gjort før han. I den nye PR-filmen om Vanylven pløgjer Kai Jonny Venøy igjen ny mark. Resultatet er mildt sagt fascinerande.Med utstyr kjøpt på messe i Las Vegas berre for nokre veker sidan, har Kai Jonny Venøy laga 3D-film som gjer at du kan orientere deg i landskapet som om du var med sjølv, anten det er på Blæja eller Hakallegarden. Filmen, som du vil finne link til under, bør du helst sjå på smarttelefon eller nettbrett. Då kan du snu deg i biletet berre med å snu på telefonen eller brettet. På ein dataskjerm må du nytte mus for å "snu deg". Ikkje alle nettlesarar støttar dette like godt.  Vi fortel meir om filmen, prosessen og den unge åheimaren som står bak i papiravisa neste veke. I mellomtida kan de kose dykk på filmen Vanylven Utvikling har fått laga. Den ligg på Vanylven kommune sine facbooksider. Du finn sida her og skrollar deg nedover til filmen.
10.11.16 14:16
Velsmakande innsats for Columbia
Velsmakande innsats for Columbia
I dag er det Operasjon Dagsverk i vidaregåande skule, der elevane gjer ein dag innsats for å få inn midlar som skal hjelpe ungdomar i Colombia med å kjempe for sine rettar og verte høyrde i eit valdeleg samfunn.På Combisenteret på Fiskå fann vi mellom anna denne gjengen, som selde sjølvlaga sjokoladekake og vaflar. Thomas Flusund var etter det vi forstod meister for ei sjokoladekake som såg både luftig og saftig ut. Sjølve valde vi vaflar, som etter gjengen si eiga utsegn var Vanylven sine beste. Vi fann også dei som var i arbeid på matbutikkane og på apoteket. Nokre elevar var også på byggvarebutikkane i Syvde og på Åheim. Dei fleste hadde likevel, som det er mest vanleg, lagt dagverket til innsats i heimen, men vi fann også ein elev som hadde valt fjøs- og skogsarbeid, og ein som jobba innanfor videoproduksjon.
04.11.16 13:10
Karin i Julemorgen
Karin i Julemorgen
I dag kom meldinga om at syvdejenta Karin Eckhoff Holsvik også i år vert å sjå på skjermen i Julemorgen på NRK Super. Eckhoff Holsvik vil ha det musikalske ansvaret i den to og ein halv time lange sendinga som startar 22. desember og er fast på skjermen gjennom romjula.Programleiarar i det som vert kalla jula sitt koselegaste program vert i år Mikkel Niva og Haakon Stevens. Humoristen Mikkel Niva kjenner vi dei siste åra frå  "BroShow" på NRK3, som paneldeltakar i "Brille" på TV Norge og i "Alt er lov" på TV 2.  Haakon Stevens vil mange kjenne som dagleg programleder i NRK Super. Han har utdanning både som skodespelar og journalist.
– Eg ser fram til å synge og til endeleg å få bruk for alle julegensarane mine, seier han til NRK. Og tredjepart på laget vert altså Karin Eckhoff Holsvik frå Syvde. Ho bur no i Oslo, der ho jobbar som pianolærar, kordirigent og musikar. Eckhoff Holsvik hadde same rolla i Julemorgen i 2009, då med Heidi Marie Vestrheim og Kåre Magnus Bergh, no mest kjend frå Stjernekamp, som programleiarar.
– Men eg får seie som den gongen, at eg vert ikkje berre "tause Birgitte" bak pianoet. Vi vert nok meir som eit trol med tre hovud, som pratar, gjøglar og syng litt mellom filmar og innslag.
01.11.16 15:53
Ope informasjonsmøte om Fiskåholmen
Ope informasjonsmøte om Fiskåholmen
I morgon, torsdag, inviterer kommunen til informasjonmøte på kommunestyresalen i samband med planprogrammet for utviding av industriområdet, som no er ute til høyring. Informasjonsmøtet kjem i stand etter ønskje frå innbyggarar om nærare orientering og høve til å stille spørsmål. Her kan du lese møteinnkallinga.
26.10.16 17:03
<p><span>ÅVK kneip andreplassen med fart og driv i 90 minutt<br></span></p>
ÅVK kneip andreplassen med fart og driv i 90 minutt
ÅVK leverte to omgangar med frisk underhaldningsfotball mot eit svært så juniorprega Herd 2 på Eidsåvoll søndag. Det gav ein 2.-plass på sluttabellen i 5 divisjon sidan Blindheim snubla heime mot Ellingsøy.  Kampfakta
ÅVK – Herd 2  3-1
Mål: 0-1 Amund Rørstad (21 min), 1-1 Anders Midtbø (44 min), 2-1 (sjølvmål 58 min),  3-1 Elling Flister (87 min).
Bane: Eidsåvoll gras
Dommar: Zenum Murati, GiskeIL.
ÅVK (4-5-1): Robert Midtbø, Erlend Kragset, Vegar Krokevik, Øyvind Myklebust, Anders Midtbø, Oskar Vik, Stian Bellen, Anders Bellen, Jon André Thue, Ole André Kragset, Torgeir Halsen.
Innbyte: Elling Flister, Sindre Thue, Henning Sætre, Uchin Cho, Ivar Krokevik, Thomas Årvik.    Kjell Brenne Ei finare oktober-grasmatte enn det Eidsåvoll framstod med søndag, kan vi knapt hugse. Det grøne ”nålefiltteppet”  inspirerte tydelegvis begge laga til ei svært så sjåverdig forestilling. Så skjedde det eitkvart heile tida, mest i regi av eit angrepsjagande ÅVK mot eit ungt og tappert forsvarande Herd 2. Og den ungdommelege garde i bylaget heldt lenge stand mot ÅVK si overmakt. Faktisk var Herd 2 freidige nok til å ta leiinga 0-1 etter 21 minutt då debutant Amund Rørstad sende bortelaget i føringa på eit spekulert langskot som smatt inn ved stolperota utanfor rekkevidda til ÅVK-keeper Robert Midtbø. Scoringa kom på ei effektivt kontring i ein fase der ÅVK trykte hardt på for å få hol på byllen. Scoringsfoten Rørstad må tydelegvis ha gått i arv. Pappa Audun som sjølv var ”ringside” Eidsåvoll som linjevakt, var i si tid på åttitalet ein svært så vidgjeten goalgetter for Ørskog i sunnmørsfotballen. ÅVK fekk si rettferdige utteljing etter ein tre trinns fotballkanonade i målfeltet like før pause der Anders Midtbø hektisk til slutt makta trykke ballen i nettet.  I andre omgang dominerte ÅVK endå klarare og spelte seg til fleire opplagde sjansar, men der stogga det. Herd-forsvaret med den tidlegare AaFK-veteranen Lasse Olsen i brodden og ein årvaken keeper var både heldige og gode heilt til dess Olsen måtte forlate arenaen på grunn av lyskestrekk.  ÅVK gjekk opp i leiinga 2-1då Jon Andre Thue gjekk høgst på cornerinnlegget og ballen small i hovudet på ein Herd-spelar og rett i mål. Årets siste mål på Eidsåvoll sette eit ærefullt punktum på sesongen. Innbytar Uchin Cho på høgreflanken viste kvifor han blir eit namn alt i 2017-sesongen. Han drog friskt opp og la eit perfekt innlegg som Elling Flister på blindsida som kunne skjere inn på og sette direkte i nota bak ein sjanselaus keeper. –Ei bra avslutning frå vår side, ein kamp som optimistisk løftar blikket framover, sa ein fornøgd ÅVK-trenar Oddvin Kragset etter kampen.    
23.10.16 18:38
Lanserte kystkommunen att
Lanserte kystkommunen att
Kommmunestyret drog lenge i taua før dei tysdag klarte å få til eit vedtak i saka om kommunereform som alle kunne stille seg bak. Det ein var mest samde om var at det no må vere eit mål å sjå om alternativet med kystkommune frå Vågsøy til Hareid kan blåsast nytt liv i.Med ulike synspunkt på sjølve reforma og eit tydeleg skilje tvers gjennom Venstregruppa, har det site langt inne å få til eit vedtak om kvar vegen skal gå vidare etter folkerøystingane i vår. Det har vore tydeleg misnøye med vedtaket som var gjort i kommunestyret i juni, men det var også tydeleg at formannskapet si nye tilråding frå september ikkje var liv laga. Alle parti har likevel lova å rette seg etter ei folkerøysting som sa ja til Runde kommune, og det var såleis stor vilje til å semjast om eit felles vedtak. Tysdag kom det difor to nye framlegg på bordet, det eine frå Arbeidarpartiet, som fekk støtte frå Senterpartiet, to av Venstre sine representantar og frå ordførar Lena Lndsverk Sande med atterhald om endring av ordlyd på eitt punkt om at vidare fohandlingar skal skje "på sikt". Det andre framlegget kom frå FrP og hadde støtte i Høgre, Kristeleg Folkeparti og Leon Stranden frå Venstre. Stridens kjerne var om ein skal orientere seg etter nei-resultata i andre kommunar og det underliggande i Fylkesmannen sitt vedtak om at vi framleis har ein Rovdefjord som skil, og at vidare forhandlingar såleis kan takast "på sikt og i åra framover", som det stod i Ap/Sp/V sitt framlegg. Dei andre tre partia meinte at ein då vil lett hamna utanfor og måtte komme å "banke på døra" i ettertid. Etter lange gruppemøte og mykje tautrekking, vart det likevel til at ein strauk ordlyden om på sikt, og vedtaket lyder då slik.
3. Vanylven kommune ynskjer  å arbeide for ein kystkommune med utgangspunkt frå Vågsøy til Hareid. Ordføraren må ha ein tett dialog med forhandlingsutvalet i det vidare arbeidet og kommunestyret må få ein god informasjon. Framlegga i sin heilskap finn du i papirutgåva av Synste Møre, medan sjølve debatten kan sjåast på kommunen si nettside.
20.10.16 10:14
Heldig siger til ÅVK
Heldig siger til ÅVK
Laur 08.10. Ikkje før Åmdal vart redusert til ni spelarar, klarte Åram/VanKam å sikre seg tre poeng på Eidsåvoll i dag.Heimelaget produserte svært lite mot ei Åmdal-lag som tok leiinga 1-0 etter om lag ti minutt av kampen. Mot slutten av første omgang vart likevel Stian Bellen spelt fint gjennom, og Åmdalkeeperen sin manøver gav raudt kort for felling. Straffa sette Elling Flister i mål til 1-1. Like etterpå var det Anders Bellen som var på farten og etter eit fint framspel gav leiing 2-1 til pause. Dermed skulle ein tru det låg an til spelemessig trykk frå heimelaget si side mot gjestar som var redsuerte til ti mann. Men Åmdal låg godt samla med press mot angripande motstandarar rundt tjue meter, og ÅVK spelte seg knapt til sjanse i heile andre omgang før det var gått over nitti minutt. I den andre enden av bana fekk åmdalingane mykje spelerom framfor ÅVK sin sekstenmeter og spelte seg til brukbare sjansar i starten av andre omgang, ikkje minst på dødballar. Så kom den mest omsnakka episoden på Eidsåvoll i dag, der ein Åmdalspelar på innkast sender ballen rett i bakhovudet på Oskar Vik. Dommaren meiner det er med forsett, og gir raudt kort. Åmdal er då nede i ni mann, og ein skulle tru det var full kontroll til heimelaget. Men i staden går Åmdal etter 73 minutt opp til 2-2. Eit frispark vert lagt inn i feltet. Litt kriging og ballen ut att til ein Åmdalspelar som står umarkert på seksten meter og sender ballen i nettet.  Heldigvis klarer Vegard Krokevik å heade inn eit hjørnespark fem minutt seinare, og to minutt på overtid kombinerer så Sindre Thue og Elling Flister fint på høgrekanten og sikrar 4-2.
08.10.16 16:43
Statsbudsjettmidlar til Jetmundkyrkja
Statsbudsjettmidlar til Jetmundkyrkja
I eit budsjettframlegg som politisk kommentator i Nrk Møre og Romsdal, Trond Vestre, kallar eit duskregn over fylket, dryp det også litt konkrete midlar til Vanylven gjennom ei løyving på 1,5 millionar til middelalderkyrkja på Åheim.Det er ei glad kyrkjeverje, Inger Anne Bøstrand Vidnes, som tar i mot beskjeden.
– Svært kjekt, seier ho. Ho fortel at det er kyrkja sin arbeidsgjevarorganisasjon, KA, som har spelt inn sak om løyvingar til middelalderbygg, og i ein tiltakspakke er det sett av fire millionar kroner i Møre og Romsdal til middelalderbygg, av det 1,5 til St. Jetmund kyrkje. Bøstrand Vidnes fortel at dei øyremerka midlane vil verte nytta i hovudsak til refuging av murane innvendig, og skulle det rekke til noko meir er både drenering rundt kyrkja og kalking av murar av det som står på lista å få gjort.
06.10.16 15:00
Vanylven som før - inntil vidare
Vanylven som før - inntil vidare
Fylkesmannen i Møre og Romsdal går inn for sju store kommunar i Møre og Romsdal på noko sikt. Som eit første steg på vegen går han inn for 16 kommunar. Vanylven blir inntil vidare som før.Solholm delte innstillinga si i det han kallar "ideell" kommunestruktur med sju kommunar i fylket. Ei av dei er det området vi tidlegare vi kalla Runde kommune, der Vanylven er med saman med dei andre kommunane på Ytre Søre Sunnmøre. På kort sikt går fylkesmannen inn for å dele dette området i tre: Hareid-Ulstein, Herøy-Sande og Vanylven.
Fylkesmannen tilrår altså ikkje å endre grensene til Vanylven no. Fylkesmannen tilrår også at Ørsta og Volda går saman i tillegg til Hornindal. Ordførar Lena Landsverk Sande i Vanylven seier kort etter at saka vart kjent, at den andre delen av tilrådinga var langt på veg som venta, men den første delen med sju store kommunar såg ho ikkje kome. Ho legg likevel til at dette er i samsvar med det Fylkesmannen har sagt tidlegare. Om kva som no vidare skal skje, må ein - ifølgje ordføraren, samsakkast om.
03.10.16 08:41
Fem mista lappen i fartskontroll
Fem mista lappen i fartskontroll
Torsdag morgon (22.09) gjennomførte politiet fartskontroll i Leiebakkane på Eidså. Her fekk fem av bilførarane beslaglagt førarkortet. Høgste fart vart målt til 97 km/t i 60-sona.Lensmannsbetjent ved Vanylven lensmannskontor, Andreas Hofstad, fortel at kontrollen vart utført på bakgrunn av mange klager på køyring med stor fart i området. Ut i frå at det vart så mange beslag og mykje å gjere med det, valde ein å la andre som var over fartsgrensa køyre vidare.
– Men at klagene på stor fart har sin grunn, fekk vi stadfesta i dag, seier Hofstad.
Kontrollen vart gjennomført i tidsromet om lag mellom 07.30 og 09.30, og på trafikk i begge retningar.
22.09.16 10:23
ÅVK til topps på tabellen
ÅVK til topps på tabellen
Åram/Vankam slo onsdagskvelden Hovdebygda 3-1 i duellen om tabelltoppen i 5. divisjon. På kunstgraset i Hovdebygda hadde laga spelemessig kvar sin omgang, men med ÅVK som det mest effektive laget. 
Kjell Brenne Heimelaget var det førande laget før pause og det var etter spelet si utvikling at Hovdebygda tok leiinga 1-0 på straffe etter vel halvtimen, sjølv om ÅVK då såg ut til å vakne for kvelden. Elling Flister var klar til kampen og kom inn som eit friskt pust i 2. omgang og sette meir fart i ÅVK sitt angrep. Åheimaren som tydelegvis er i form, utlikna først til 1-1 i det 60. minutt etter å ha slite seg fri på venstrekanten. Same mann sende ÅVK i føringa 1-2 berre tre minutt seinare. Kampen hardna til og det vart nokre tøffe duellar på bana som gjorde at dommar Moldskred måtte blåse både tidt og ofte for å halde kontrollen. Hovdebygda kjempa hardt for utlikning. I staden vart det nok ein innbytar for ÅVK som slo til, i det Henning Sætre ti minutt før slutt i ei tett batalje i målfeltet fekk overliste keeperen. Dermed toppar ÅVK tabellen når fem rundar attstår. Sidan det i år ikkje blir opprykk i nokon av kretsdivisjonane, er det KM-tittelen som blir sesongmålet. Alt på laurdag skal ÅVK måle krefter med tabelltoar Blindheim på Eidsåvoll. Vinn ÅVK den kampen har laget skaffa seg eit godt utgangspunkt for å bli KM-meistrar. På eit kjempande ÅVK framstod Elling Flister nok ein gong som ein målfarleg angripar. Også Torgeir Halsen i spissrolla skapte mykje bry for Hovdebygda sitt forsvar og elles var Thomas Årvik godt synleg på ei midtbane som makta ta grep etter pause. Stjerner ÅVK:
*** Elling Flister.
** Thomas Årvik.
*     Øyvind Myklebust. Kampfakta
5.divisjon Sunnmøre: Hovdebygda- ÅVK 1-3 (1-0)
Mål: 1-0 Bjørnar Holen (33), 1-1 Elling Flister (60), 1-2 Elling Flister (63), 1-3 Henning Sætre (79) Bane: Hovdebygda kunstgras Dommar: Dag Harald Moldskred, Hareid. ÅVK (4-5-1): Robert Midtbø, Erlend Kragset, Vegard Krokevik, Øyvind Myklebust, Ole Andre Kragset, Per Gunnar Lundehaug, Stian Bellen, Thomas Årvik, Anders Bellen, Jon André Thue, Torgeir Halsen. Innbyttarar: Elling Flister, Henning Sætre, Uchin Cho, Oskar Vik, Anders Midtbø, Andreas Nystøl.
15.09.16 10:47
VIDEOAR   GALLERI   WEBCAM
veret der du bur
 
Edit
FØRSTESIDA

Fredag 2. desember
18.00 Syng, Fiskå kino
20.00 The Girl on the train, Fiskå kino

Laurdag 3. desember
20.00 Julebord, Fiskå ungd.hus

Søndag 4. desember
13.00 Julekafé, Eidsåtun, Eidså
19.00 Møte, Sion Åheim

Tirsdag 6. desember
20.00 Lyst & Eckhoff, Ørsta kyrkje

Onsdag 7. desember
15.00 Julemøte, Eidsåtun
19.00 Suløen & Tricia Boutté, Vanylven kyrkje

Torsdag 8. desember
20.00 Lyst & Eckhoff, Syvde kyrkje

Søndag 11. desember
18.00 Aglow, Ljosheim, Ulsteinvik

 

 

 

 

 

 

 

VIL DU HA DITT ARRANGEMENT PÅ KALENDEREN?
Arrangement må ha vore i papirutgåva til Synste Møre for å kome på kalenderen. Annonse kan tingast på 70 02 08 20 eller redaksjonen@synste.no

Edit
FERJERUTER

 

Årvik-Koparnes    
Lauvstad-Volda    
Larsnes-Åram-Øyane    
Lote-Anda    
Hareid-Sulesund    

     

resized_frontpage_02.jpg





Redaktør:
Vidar Parr

Synste Møre,
Postboks 53,
6139 Fiskåbygd

TIPS OSS 
Telefon:
70 02 08 20

E-post:
redaksjonen@synste.no

Følg oss på:

  

Synste Møre arbeider etter Ver Varsamplakaten sine reglar for god presseskikk. Synste Møre har ikkje ansvar for innhald på eksterne nettsider som det blir lenka til. Alt innhald er opphavsrettsleg verna 2014 ©


Web Design og CMS: Osberget